FANDOM


රන් තරු පායන
ගායනය කීර්ති පැස්කුවල්
පද රචනය ස්ටැන්ලි පීරිස්
සංගීතය කීර්ති පැස්කුවල්

ගී පද Edit

රන් තරු පායන අහස බලාගෙන

ඇයි ඔබ තව හිනැහෙන්නේ

මගෙ හද දිනූ ආදරය සොරාගෙන

වෙනෙකෙකු නොවැ අද එන්නේ


මිහිර සොයා ගිය මගෙ ජීවය දැන්

කඳුළැලි හා ලත වන්නේ

සමාවෙයන් සොඳුරිය තවමත් මා

අතමයි වරද තියෙන්නේ


කුඩා රුවල බැඳ තනිව සයුර මැද

ඈත අතීතය දෙස බැලුවේ...

කොහේ සිටන් කොයි බට මා යාවිද

මට නම් නෑ වැටහෙන්නේ...


රන් තරු පායන ...


පලා දෙපලු කළ හදවත දැන් නම්

කාට එකතු කළ හැක්‌කේ

බලාගන්න සෙනෙහස තව ඔබටයි

මා හද තුළ හැම වේලේ


රන් තරු පායන ...


මිහිර සොයා ගිය මගෙ ජීවය දැන්

කඳුළැලි හා ලත වන්නේ

සමාවෙයන් සොඳුරිය තවමත් මා

අතමයි වරද තියෙන්නේ..///

ඇරඹුම Edit

පද රචනයEdit

me geethya Latha Dissanayaka mahathmiya wisin gayanaa kala ''Ran tharu payana ahasa balagena hithakin nowa hinahenne... obe hada dinu aadaraya soragena natha oba hata duka denne...'' yana geeyata pilithuru geetyak lesa nirmanaya kala ekak. ( ☀https://www.youtube.com/watch?v=zFUctnNp9u0 )

ගීතය රචනා කරල තියෙන්නෙ ප්‍රවීණ සංගීතවේදී ස්ටැන්ලි පීරිස් මහතා. ඒ ඔහු ෆොර්චූන්ස් සංගීත කණ්ඩායමේ සිටින කාලයේ. එකල ඔහු විසින්ම ගීතය ගායනා කලත් එය පටිගත කිරීමක් සිදුවුනේ නැහැ. ගීතය සඳහා කීර්ති පැස්කුවල් මහතා සම්බන්ධ වෙන්නෙ ඔහුගේ වැඩිමල් සොයුරා මාර්ගයෙන්. ඔහුගේ අයියා වන පද්මසිරි පැස්කුවල් එකල ෆොර්චූන් සංගීත කණ්ඩායමේ වාදකයෙක්. කුඩා කල සිටම ආසාවෙන් ගායනා කල පුරුදු පුහුණු වුණු මේ ගීතය කීර්ති පැස්කුවල් විසින් ඔහුගේ පළමු කැසට් පටයට 1983 වසරේදී ගායනා කරනවා. ස්ටැන්ලි පීරිස් මහතා ඔහුට තම ගීතය ලබා දීමට කැමති වී තිබෙනවා.

සංගීතයEdit

විචාරයන් Edit

me geethya Latha Dissanayaka mahathmiya wisin gayanaa kala ''Ran tharu payana ahasa balagena hithakin nowa hinahenne... obe hada dinu aadaraya soragena natha obahata duka denne... '' yana geeyata pilithuru geetyak lesa nirmanaya kala ekak. ( ☀https://www.youtube.com/watch?v=zFUctnNp9u0 )

ගීතයේ අර්ථයෙන් කියවෙන්නේ තමන් අතින් තම බිරිඳට සිදුවූ වරදකට සමාව ඉල්ලා සිටීමක් පිළිබඳව. ස්ටැන්ලි පීරිස් මහතා ජීවතුන් අතර නැති නිසා එය පැහැදිලි කර තිබුණේ කීර්ති පැස්කුවල් මහතා. නමුත් ස්ටැන්ලි පීරිස් මහතා ගීතය රචනා කරන විට ඔහුගේ සිතේ මැවුණු අදහස කුමක්ද යන්න කිසිවෙකුට සිතා ගත නොහැකි වේවි.

  • දිවයින පුවත් පතේ පලවූ ලිපියක් ඇසුරෙන් [1]

පෙම්වතුන් අතින් එකිනෙකාට එරෙහිව වැරදීම් ඕනෑ තරම් සිද්ධ වෙනවා. මේ වැරදි සමහර විට දළුලා එන පෙම කැඩී බිඳී සුනුවිසුණු වෙන්නත් බලපානවා. ආදරවන්තයින්ගෙන් පමණක්‌ නොවේ විවාහකයන් අතින්ද තම බිරියට හෝ සැමියාට එරෙහිව වැරදි කෙරෙනවා. වරදකරු බොහෝ විට ඒ ගැන ලතවෙන අවස්‌ථා තිබෙනවා. ඒ තමන් අතින් ඇයට හෝ ඔහුට සිදුවූ වරද ගැන සිතමින්

රන්තරු පායන අහස බලාගෙන

ඇයි ඔබ තව හිනැහෙන්නේ

මගෙ හද දිනූ ආදරය සොරාගෙන

වෙනෙකෙකු නොවැ අද ඉන්නේ

මිහිර සොයා ගිය මගෙ ජීවය දැන්

කඳුළැලි හා ලත වෙන්නේ

සමාවෙයන් සොඳුරියෙ තවමත් මා

අතමයි වරද තියෙන්නේ

සොඳුරියෙ... රන් තාරකා මල් පිපෙන අහස්‌ තලය දිහා බලාගෙන ඔයා තවමත් සුන්දර පැතුම් පතනවා. ඒ පැතුම් ගැන හිතමින් හිනාවෙනවා... මගේ ආදරය... දිනාගෙන සිටියේ ඔයා... ඒත් හදවතේ තිබූ මේ ආදරය අද වෙන කෙනෙක්‌ සතුකරගෙන ඔබ අතැර මම මිහිර සොයා ගියා... මිහිරක්‌ නොවේ දැන් මම ලතැවෙන්නෙ කඳුළැලි සාගරයක... මගෙ ප්‍රියාවිය මට සමාවෙන්න... මම වැරදිකාරයෙක්‌..... ඔබ අත නොවේ වරද මා අතයි.... මට සමාවෙන්න....

ඔහු මේ තැවෙන්නේ කා වෙනුවෙන්ද... මේ සමාව ඉල්ලන්නේ කාගෙන්ද... තම බිරිඳගෙන් විය හැකියි. තවත් කෙනකුට ආදරය කරන ඔහු මේ ගීය ගයන්නේ බිරියට වන්නට පිළිවන්... ඔහුට තම හිත පාලනය කර ගන්න බැහැ... තැවෙනවා... කළ වරදට බිරියගෙන් සමාව ඉල්ලනවා...

අප සමාජයේ අදත් එදත් අත් විඳින තේමාවක්‌... ගීතය ලියුවේත්... සංගීතය නිර්මාණය කළේත් ස්‌ටැන්ලි පීරිස්‌.... නැවත අප අතරට නොඑන ස්‌ටැන්ලි පීරිස්‌... ඔහු නැති නිසයි ගීය ගයන කීර්ති පැස්‌කුවෙල්ගෙන් පදමාලාවගැන විමසීමක්‌ කළේ...

මම පාසල් යන කාලේ... මගේ අයියා පද්මසිරි පැස්‌කුවෙල් ෆොර්චූන් සංගීත කණ්‌ඩායමේ වාදනය කළා... ෆොර්චූන් නායකයා ස්‌ටැන්ලි පීරිස්‌... ඔහුගේ හඬ හරිම මිහිරියි... සංගීත කණ්‌ඩායම සමග ස්‌ටැන්ලි අයියා රන්තරු පායන ගීතය ගායනා කළා... බෑන්ඩ් එකට ගායනා කළත් ඔහු ගීය පටිගත කළේ නැහැ... මේ ගීයට මම ඉස්‌සර හරිම ආසයි...

කුඩා රුවල බැඳ තනිව සයුර මැද

ඈත අතීතය දෙස බැලුවේ

කොහේ සිටන් කොයි බට මා යාවිද

මට නම් නෑ වැටහෙන්නේ...

මා සයුර මැද තනි වූ කුඩා රුවල් ඔරුවක්‌ වගේ... මගේ සිත අතීතයට යනවා දෙයියනේ... මහා සාගරයේ තනි වූ ඔරුවක්‌ කොහේ යාවිද... මගේ ජීවිතයත් ඒ වගේ... මට තේරෙන්නේ නෑ... මගේ ජීවිතේ ගමන් කරන්නේ කිනම් ඉසව්වකටද කියලා.... අවසානයේ මට ඇයත් නැති වේවි... ඔබත් නැති වේවි...

මේ ගීතය ගයන්න මම කුඩා කාලේ ඉඳලාම පුරුදු වුණා. අසූ තුනේදී මම මගේ පළමු කැසට්‌ පටය කළා... ස්‌ටැන්ලි අයියාගෙන් මම ඇහුවා මගේ කැසට්‌ එකට මේ ගීය ගයන්නද කියලා... ස්‌ටැන්ලි අයියා කැමැත්තෙන්ම සිංදුව මට දුන්නා... අපි ජෝ නෙත් ශබ්දාගාරයේදී ගීතය පටිගත කළා...

පලා දෙපලු කළ හදවත දැන්නම්

කාට එකතු කළ හැක්‌කේ

බලාගන්න සෙනෙහස තව ඔබටයි

මා හද තුළ හැම වේලේ...

මගේ හදවත දැන් වෙන් වෙලා... එක්‌ කොටසක්‌ ඔබ ළඟ හදවතේ අනෙක්‌ කොටස ඇය ළඟ... හදවතේ මේ පලු දෙක එකතු කරනවා නම් කළ හැක්‌කේ කාටද... ඔබටද ඇයටද... මම නම් දන්නේ නැහැ... ඒත් මගේ සෙනෙහස ඔබට පමණයි... හැම අවස්‌ථාවකදීම මගේ හදවතේ ඉන්නේ ඔබම තමයි...

විශේෂ තොරතුරු Edit

යොමු Edit

සින්දුව බාගතකරන්න/අහන්න Edit

Site Link Info.
Ananmanan.lkhttp://www.ananmanan.lk/free-sinhala-mp3/song/300/ran-tharu-payana-ahasa-balagena-ay-oba-thawa-keerthi-paskuwel-sinhala-mp3.html3.78 MB
Topsinhalamp3.comhttp://www.topsinhalamp3.com/songs/keerthi-pasquel-mp3-songs/ran-tharu-payana-mp3-song.php3.73 MB

වීඩියෝව නරඹන්න Edit

Ran Tharu Payana Office Music Audio - Keerthi Pasquel

Ran Tharu Payana Office Music Audio - Keerthi Pasquel

Search on Youtube

ගී පද පෝස්ටරය Edit

Site Link Info.
www.geepada.com/http://www.geepada.com/sinhala-lyrics/keerthi-pasqual/download-ran-tharu-payana-lyrics/

Song Chords Edit

Site Link Info.
chords.orgfree.com/http://chords.orgfree.com/keerthi-pasquel/ran-tharu-payana-d-44/

වැඩිදුර කියවන්න Edit

මූලාශ්‍ර Edit

  1. http://www.divaina.com/2011/09/04/meewitha02.html