FANDOM


මුළු හදින් මම
ගායනය නාරද දිසාසේකර
පද රචනය එඩ්මන් ජයසූරිය
සංගීතය කුලරත්න තෙන්නකෝන්

සිංහල ගීත ඉතිහාසයේ පරාජිත ප්‍රේමවන්තයින් ගැන කියවෙන ගීත අතුරින් වඩාත් තීව්‍ර ලෙස විරහ වේදනාව ප්‍රකාශ කරන ගීතයක් ලෙස නාරද දිසාසේකර ගායනා කළ මේ ගීතය හඳුන්වන්න පුළුවන්.

ගී පද Edit

මුළු හදින් මම ඇයට පෙම් කොට

අනාගත පෙම් සිහින මැව්වෙමි

මගේ සොඳුරිය වෙනත් කෙනෙකුට

අයිති වුණු හැටි බලා දුක් වෙමි


නිසංසල තැනකට වෙලා

හඩන මගෙ ඇස් දෙක දෙස බලා

කියන්නකෝ දෙවියනේ

මේ දුක් කොහොම ඉන්නද ඉවසලා


මගේ අත ගෙන කනට ළං වී

අනෙ සුදු මම ආදරේ යැයි

කියන්නට සිතුනේ ඇයිද සුදු

නොසිතුවෙද මට දුක් ලැබේයැයි


නිදැල්ලේ තුරුලට වෙලා

රහස් එක එක කොඳුරලා

සිනාසුණු හැටි මතක් වෙනකොට

කොහොම ඉන්නද ඉවසලා


එදා රෑ ගං ඉවුර අසබඩ

සුපුන් සඳ පායන වෙලාවක

කතා කී හැටි මතක් වෙනකොට

දුක දැනෙයි පවතින අපායක


මෙහෙම ලෝකෙක ඉපදිලා

සිතෙහි අදහස් සුන් වෙලා

මා උපන්නේ දුක් විදින්නද

දුක් කඳුළු මැද තනිවෙලා


මුළු හදින් මම ...

ඇරඹුම Edit

පද රචනයEdit

ගීතය ලිව්වේ එඩ්මන් ජයසූරිය (ආරියදාස එඩ්මන්ඩ් පෙරේරා ජයසූරිය) මහතා. මෙය ඔහුගේ පුද්ගලික අත්දැකීමක් ඇසුරෙන් ගොඩනැගු ගීතමය කල්පනාවක්. ගීතයෙන් කියවන්නේ පරාජිත ප්‍රේමවන්තයෙක්‌ තම පෙම්වතිය අහිමි වූ වියෝව වෛරයකින් තොරව උපේක්‍ෂා සහගතව දරා ගන්නා ආකාරයයි.[1] ගීතයට පාදක උනේ එඩ්මන් ජයසූරිය තම පෙම්වතිය එන තෙක් බලා සිටින අවස්තාවක්. සුපුරුදු පරිදි දිනපතා හමුවන තම පෙම්වතිය එක් දිනක් ඇවිත් නැහැ. ඒ පිලිබඳ දැනුණු දැඩි වේදනාවෙන්, ශෝකයෙන් ඔහු මේ ගීතය රචනා කර තිබෙනවා. නමුත් ඇත්ත ජීවිතේ මේ දෙන්න විවාහ වෙලා තියෙනවා. බොහෝ දුරට ගීතයේ එන පෙම්වතිය හැරයාමේ සිදුවීම රචකයා විසින් ගොඩනගා ගන්නා ලද්දක් වෙන්න පුළුවන්. එඩ්මන් ජයසූරිය තමන් ලියූ එකම ගීතය තම පාසල් මිතුරෙක් වන නාරද දිසාසේකරයන් හට දෙනවා. ඔවුන් දෙදෙනාම කළුතර විද්‍යාලයේ එක පන්තියේ ඉගෙනගත් අය.

මේ කාලෙ (1950 දශකයේ) නාරද දිසාසේකර ගුවන් විදුලි සංස්ථාවේ ඉංජිනේරුවෙක් විදිහට වැඩ කරනවා. ඔහුට ගුවන් විදුලියේ සරල ගී වැඩසටහනකින් ගී තුනක්‌ ගයන්නට අවස්‌ථාව ලැබුණා. ඔහු එයට මේ ගීතයත් එකතු කර ගන්නවා. කුලරත්න තෙන්නකෝන් මහතා ගීතය සංගීතවත් කළා. ගීතය වසර 50 කට වැඩි කාලයක් ප්‍රේමවන්තයින්ගේ හදවත් කම්පනය කිරීමට සමත් නිර්මාණයක් වුණා. තවමත් ගීතය අසන විට දැනෙන විරහ වේදනාව ඒ අයුරින්ම තිබෙනවා.

විචාරයන් Edit

අතීතයේ සිට අදටත් නොනැසී පවතින විරහ වේදනාව උපරිමයෙන්ම කි⁣යවෙන සංවේදී ගීතයක්.

විශේෂ තොරතුරු Edit

  • ගීතය එකල ජන සමාජයට කෙතරම් බලපෑම කලාද කියනවනම්, එය වසර කිහිපයකට ප්‍රචාරය කිරීම තහනම් කිරීමට පවා සිදුවුණා. අංගොඩ මානසික රෝහලේ ප්‍රතිකාර ලබන පරාජිත පෙම්වතුන් පවා හුදෙකලාවේ සිට මේ ගීතය මුමුණන බව එහි වෛද්‍යවරුන් පවසා තිබුනා. මෙසේ සාමජයේ ඇතැම් පුද්ගලයන්ගේ කාරුණික ඉල්ලීම පරිදි ටික කලකට මේ ගීතය ගුවන් විදුලියේ ප්‍රචාරය කිරීම නවතා දැමීමට එවක සිටි පාලකයන්ට සිදු වුණා.[2]
  • මේ ගීතය කොතරම් ශ්‍රාවකයාට බලපෑම් කළේ ද යත් ’OBSERVER’ පුවත්පතේ ‘Song Sends Man insane’ යන හිසින් පළ වූ පාඨක ලිපියක සඳහන් වූයේ මේ ගීතය ගුවන් විදුලියේ අසමින් පේ‍්‍රම වියෝගය දරාගත නොහුණු මිනිසකු අසල තිබු පොරවකින් ගසා ගුවන් විදුලි යන්ත්‍රය දෙපලු කළ බවය.[3]
  • මෙය නාරද දිසසේකරයන්ගේ ප්‍රකටම ගීතය වන අතර මේ නමින් නවකතාද පලවී තිබෙනවා. ඒවා නම් ගුණදාස ලියනගේ ලියු ‘මුළු හදින් මම ඇයට පෙම් කොට’හා ධර්මපි‍්‍රය ලොකුහේවා ලියු ‘අනාගත පෙම් සිහින මැව්වෙමි’.
  • 70 දශකයේ වරක් පේරාදෙණිය විශ්වවිද්‍යාලයේ පැවැත්වූ සංගීත ප්‍රසංගයකදී ශ්‍රාවකයන්ගේ ඉල්ලීම පරිදි මේ ගීතය 5 වතාවක් ගායනා කරන්න නාරද හට සිදුවී තිබෙනවා.
  • බොහෝ මුලාශ්‍ර වල සඳහන් විදිහට මේ ගීතය එඩ්මන් ජයසූරිය මහතාගේ පළමු හා එකම ගීත රචනාවයි.

යොමු Edit

සින්දුව බාගතකරන්න/අහන්න Edit

Site Link Info.
Ananmanan.lkhttp://www.ananmanan.lk/free-sinhala-mp3/song/2892/mulu-hadin-mama-ayata-pem-kota-narada-disasekara-sinhala-mp3.html6.86 MB
Topsinhalamp3.comhttp://www.topsinhalamp3.com/songs/narada-disasekara-mp3-songs/mulu-hadin-mama-mp3-song.php4.61 MB

වීඩියෝව නරඹන්න Edit

Mulu Hadin Mama Narada Disasekara

Mulu Hadin Mama Narada Disasekara

Search on [Youtube]

ගී පද පෝස්ටරය Edit

Site Link Info.
Sinhalaya.comhttp://www.sinhalaya.com/sinhalamusic/details.php?image_id=276
Sri4u.comhttp://www.sri4u.com/songs-lyrics/muluhadin-mama.html

Song Chords Edit

Site Link Info.
Chordify.nethttp://chordify.net/chords/mulu-hadin-mama-narada-disasekara-ruchira-bandara

වැඩිදුර කියවන්න Edit

මූලාශ්‍ර Edit

  1. http://www.divaina.com/2010/03/07/cineart01.html
  2. http://www.divaina.com/2010/03/07/cineart01.html
  3. http://www.silumina.lk/2010/05/23/_art.asp?fn=af1005232