FANDOM


ඉස්සර මං ගිය පාසැල
ගායනය සුනිල් එදිරිසිංහ
පද රචනය කුමාරදාස සපුතන්ත්‍රී
සංගීතය H. M. ජයවර්ධන

කුමාරදාස සපුතන්ත්‍රී ගේය පද රචකයා විසින් රචනා කරන ලද "ඉස්සර මං ගිය පාසැල ඇරිලා..." ගීතය සුනිල් එදිරිසිංහ මහතා විසින් ගායනා කරනු ලබයි. සම්පුර්ණ ගීතයටම පාදක වී ඇත්තේ කුමාරදාස සපුතන්ත්‍රී ගායන ශිල්පියාගේ ළමා කාලයයි. කුඩා කාලයේ ඔහු ගතකල සුන්දර ළමා විය, කෙළිදෙලෙන් පාසැල ආ ගිය හැටි, පරිසරය සමග කාලය ගත කල හැටි ගීතය පුරාවට විස්තර වේ.

ගී පද Edit

ඉස්සර මං ගියපාසැල ඇරිලා

පුංචි පැටව් පෙරහැරෙ එනවා

හේවිසි ගහගෙන හූ හඞ දීගෙන

ලන්ද පුරා දුව පැන එනවා

මේ දරු දැරියන් නොදුටුව දෑසින්

එක දරුවෙක් තනිවී එනවා


ගහකොළ සෙලවී ඔහු දෙස බැලුවා

බිම්මල් හිනැහී හිස වැනුවා

ඒදඞු මංකඩ තිත්ත පැටව් රැළ

ඔහුගේ සුවඳට ඉව කෙරුවා

මේ විසිතුරු හැර කොතැනක යන්නද

පුංචි දෙපා එකතැන රැඳුණා


ඉර මල පිපිලා දොඹ ගහ මුදුනේ

නෙළුම් රටාවකි තණ ගොල්ලේ

නීල කොබෙයි රැල පේලි සැදී හිඳ

මුතු ඇහිඳියි මදටිය ගාලේ

ගිනි මද්දහනේ කුසගිනි නොදැනී

තාමත් ඔහු මේ වන නිල්ලේ


පොත් පිටු අතරේ නොරැඳෙන දෑසින්

වන වදුලේ අසිරිය දකිනා

ගම් දරුවන් මැද මේ දරු පැටියා

මගේ නෙතට කඳුලක් නැඟුවා

ඔහුට මුවාවී පාසැල් යන්නේ

මා දැයි නිකමට මට හිතුණා

ඇරඹුම Edit

රැකියාවෙහි නියුතු කුමාරදාස සපුතන්ත්‍රී මහතා දිනක් තම ගමේ නිවසේදී දුටු පාසල් දරු දැරියන්ගේ දර්ශනයක් ඇසුරෙන් ගීතය ලියා තිබෙනවා. පාසල් ළමුන්ගේ දසුනෙන් ඔහුට තම කුඩා පාසල් විය මතක් වෙනවා. කුඩා කාලයේ ඔහුගේ පාසල් ජීවිතය ගැන ලියූ පද පෙළ මේ අයුරින් ගීයක් ලෙස ජනප්‍රිය වුණා.

ගීතය පිළිබඳව ඉතා විස්තරාත්මක ලිපියක් "පුංචි පරිසර වේදියාගේ ආත්ම කථනය" නමින්  2012/03/18  සිළුමිණ පුවත් පතේ පල විය. එහි සඳහන් ආකාරයට ගීතය රචනා කිරීමට පහත සඳහන් සිදුවීම පාදක වී ඇත.

"උසස් අධ්‍යාපනය සඳහා කොළඹ යන සපුතන්ත්‍රි නිවාඩුවට ගමේ ගොස් නිවසේ ඉස්තෝප්පුවේ හාන්සි පුටුවක වාඩි වී ඉදිරිපස බලා සිටී. වේලාව දහවල් දෙකට ආසන්න ය. පාසල් නිම වී නිවෙස් බලා යන දරු දැරියන් ගේ හඬ දුර තියාම සපුතන්ත්‍රිට ඇසේ. පාරේ ඇති ටින් බෙලෙක්කවලට පා පහර ගසමින් දිය කඩිතිවලට කැට කැබැලිති විසි කරමින් කෙළි සිනා හඬ නංවමින් ඔවුන් එන අසිරිය පුංචි පෙරහැරක් මෙනි."[1]

යොමු Edit

සින්දුව බාගතකරන්න/අහන්න Edit

වීඩියෝව නරඹන්න Edit

මූලාශ්‍ර Edit

  1. http://www.silumina.lk/punkalasa/20120325/_art.asp?fn=ar1203256
  2. http://kumaradasasaputhanthri.com/